Latviešu | Latgalīšu

Gostūs pi Ainas Barsukovas Malnovā

Malnovā, maizneicā “Dzīles”, saimnīkoj i vysaidus gordumus taisa Aina Barsukova. Latvejā atazeistameibu jei giva dasadolūt televizejis šovā “Īstās latvju saimnieces”, kur skateituojus puorsteidze ar sovuom kulinarajuom prasmem.
Kasdīnā Aina cap maizi i eistus latgalīšu kuozu tortus, sātā uzjem tyvuokus i tuoluokus gostus i tur gūdā sātys kuorteibu, senejuos tradicejis i saimis vīnuoteibu.

“Vyss bolstuos iz tradicejom,” soka saimineica Aina, “vyss puorejais īt kluot. Man pateik byut drusku natradicionālai. Mes dzeivojom 21. godsymtā. Nu naēssim nu muola trauka ar kūka lizeiku nu kūpejuo trauka. Myusim var byut kotram sovs šķeivs. Nu tys nav pots golvonais. Vysu var apvīnuot, i vyss izaver skaisti. Tuos pošys asuškys palīk, tī poši buļbu bleini. Man ruodīs, nikas nav lobuoks par buļbu blīni.”
Idealuokūs iedīns deļ saimineicys ir svaigi capti buļbi ar bīzpīnu i suoleitu ogurci, tūmār juos iedīnkartē var atrast vysai natradicionalus iedīnus. Vīns nu myusdīnu iedīnim Ainai Barsukovai ir tomātu zupa ar kokosrīkstu pīnu.
8. oktobrī maizneicā “Dzīles” AIna Barsukova aicynoj iz suprātkom, kod apmaklātuojis byus vareiba dasadaleit maizis cepšonā.
Vysu sarunu klausīs ite



← atpakaļ








© 2013-2018 Lietišķā Latgale, +371 26672107, lietiskalatgale@inbox.lv

Created by LapuLapa.lv - mājas lapu izstrāde

© 2013-2018 Lietišķā Latgale
Created by LapuLapa.lv - mājas lapu izstrāde